இலங்கை விவகாரங்கள் குறித்து 12 வெளிநாட்டு இராஜதந்திரிகளும் எதிர்க்கட்சித் தலைவரும் சந்திப்பு

எதிர்க்கட்சித் தலைவர் சஜித் பிரேமதாச உள்ளிட்ட குழுவினர், இலங்கையை தளமாகக் கொண்ட பன்னிரண்டு (12) வெளிநாட்டு இராஜதந்திரிகளை கொழும்பில் சந்தித்து விசேட கலந்துரையாடல் ஒன்றை மேற்கொண்டுள்ளனர்.

எதிர்க்கட்சித் தலைவர் சஜித் பிரேமதாச தலைமையில் நடைபெற்ற இக்கலந்துரையாடலில் பல விடயங்கள் குறிப்பாக இலங்கையின் தற்போதைய நிலை குறித்து கவனம் செலுத்தப்பட்டது.

அமெரிக்க தூதர் ஜூலி சுங், நெதர்லாந்து தூதுவர் போனி ஹோர்பாக், இந்திய உயர் ஸ்தானிகர் கோபால் பாக்லே, நியூசிலாந்து உயர் ஸ்தானிகர் மைக்கேல் ஆப்பிள்டன், ஆஸ்திரேலிய உயர் ஸ்தானிகர் பால் வெஸ்லி ஸ்டீபன்ஸ், கனடா நாட்டு உயர் ஸ்தானிகர் ஜீன் ஃபிராங்கோயிஸ் பாக்ட் ஆகியோர் இந்த சந்திப்பில் ஈடுபட்டுள்ளனர். எரிக் வால்ஷ், செயல் பிரித்தானிய உயர்ஸ்தானிகர் லிசா வான்ஸ்டால், ருமேனிய தூதர் விக்டர் சியுஜ்டியா, ஜப்பானின் துணைத் தூதர் கட்சுகி கோட்டாரோ, இத்தாலிய தூதரகத்தின் துணைத் தலைவர் டாக்டர். பிரான்செஸ்கோ பெரேல் மற்றும் ஐரோப்பிய ஒன்றியத்தின் அரசியல், வர்த்தகம் மற்றும் பொருளாதார உறவுகளுக்கான சர்வதேச உறவுகள் அதிகாரி- ஸ்ரீ லங்கா ஆன் வோஜியர்-சட்டர்ஜி.

இலங்கைக் குழுவில் எதிர்க்கட்சித் தலைவர் எம்.பி. சஜித் பிரேமதாச, சமகி ஜன பலவேகய நாடாளுமன்ற உறுப்பினர்களான ஹர்ஷ டி சில்வா மற்றும் எரான் விக்கிரமரத்ன மற்றும் ஏனைய கட்சித் தலைவர்களான டலஸ் அழகப்பெரும, மனோ கணேசன் மற்றும் நாலக கொடஹேவா ஆகியோர் இடம்பெற்றுள்ளனர்.