சபுகஸ்கந்த எண்ணெய் சுத்திகரிப்பு நிலைய செயற்பாடுகள் மீள ஆரம்பம்

சபுகஸ்கந்த எண்ணெய் சுத்திகரிப்பு நிலையத்தை மீண்டும் செயற்படுத்துவதற்கான ஆரம்ப கட்ட நடவடிக்கைகள் எடுக்கப்பட்டுள்ளதாக தெரிவிக்கப்படுகின்றன.
அதன்படி எரிபொருள் சுத்திகரிப்பு கொதிகலனின் செயற்பாடுகள் ஏற்கனவே தொடங்கப்பட்டுள்ளது. மசகு எண்ணெய் தட்டுப்பாடு காரணமாக சுத்திகரிப்பு ஆலையின் செயல்பாடு கடந்த ஜனவரி 3 ஆம் திகதி நிறுத்தப்பட்டது.
எனினும், இதுவரை 90,000 மெட்ரிக் டன் மசகு எண்ணெய் இறக்குமதி செய்யப்பட்டுள்ளது.
அதன்படி சபுகஸ்கந்த எண்ணெய் சுத்திகரிப்பு நிலையத்திற்கு மசகு எண்ணெய் கிடைக்கப்பெற்றதன் பின்னர், எதிர்வரும் பெப்ரவரி மாதம் 2 ஆம் திகதி முதல் சுத்திகரிப்பு நிலையத்தின் செயற்பாடுகளை ஆரம்பிக்க முடியும் எனவும் தெரிவிக்கப்பட்டுள்ளது.